Alam kong pamilyar sa inyo ang balkonaheng ito, kadalasang laman ito ng ating mga libro ng Kasaysayan. Ngayon, ipapakita ko sa inyo ang kabuuan ng makasaysayang bahay na ito. Nakatutuwang isipin na nasa harapan ako ng isang istrukturang naging bantayog dahil sa naibigay nitong kontribusyon sa Pilipinas - ang Kalayaan. Habang tirik na tirik ang araw, ang puso ko nama'y hindi mapigilang lumundag dahil sa lubos na galak, samantalang ang ihip ng hangin naman ay may kalamigan na pumapawi sa init na aking nararamdaman.
